Հիմնադիր խորհրդարանի պատգամավոր, քաղբանտարկյալ Վոլոդյա Ավետիսյանի հայտարարությունը

Սիրելի՛ հայրենակիցներ

Ռեժիմը քայլ քայլի հետևից կործանում է մեր երկիրը:

Մեր ժողովուրդը սպիտակ ցեղասպանության է ենթարկվում:

Եթե այսպես շարունակվի, այս փոքրիկ Հայաստանն էլ կդատարակվի հայերից ու բաժին կդառնա մեր հակառակորդին:

Մենք պետք է ոտքի կանգնենք, հեռացնենք ռեժիմին ու ազատագրենք մեր երկիրը: Ուրիշ ճանապարհ չկա:

Հաշվի առնենք նաև, որ մենք ժամանակ չունենք և պարտավոր ենք շտապել: Ոչ մի երկրոդական հարցով պետք չէ զբաղվել: Ամբողջ ազգի նպատակը պետք է լինի ռեժիմի հեռացումը:

Ապրիլի 24-ին, իսկ եթե հնարավոր լինի՝ ավելի շուտ, պետք է ժողովրդական ալիք բարձրացնել  և մաքրել մեր երկիրը:

Այդ պատճառով բոլորին կոչ եմ անում միանալ Հիմնադիր խորհրդարանին և դառնալ նրա կազմակերպած «100-ամյակը առանց ռեժիմի» շարժման մասնակից:

Իսկ երիտասարդներին և բոլոր արժանապատիվ ազատամարտիկներին կոչ եմ անում միանալ նաև Ժիրայր Սէֆիլյանի հայտարարած քաղաքացիական բանակին:

Ես հավատում եմ մեր ժողովրդի ուժին:

Հաղթանակը մերն է լինելու:

25 փետրվարի 2015 թ.

Նուբարաշենի բանտ