«Պահանջատիրությունը և Հայաստան-սփյուռք հարաբերությունները Նոր որակի հայկական պետությունում» Հանրային ներկայացում-քննարկում

Հարգելի՛ հայրենակիցներ,

տեղեկացնում ենք, որ սույն թվականի մարտի 18-ին ժամը 13:00-16:00 Նախախորհրդարանի գրասենյակում տեղի կունենա հանրային քննարկում-ներկայացում

 «Նոր որակի հայկական պետության ձևավորման և զարգացման ռազմավարական հայեցակարգի նախագծի

Համազգային հարցերի Պահանջատիրություն և Հայաստան-սփյուռք ենթաոլորտները»

թեմայով:

Բանախոս՝ Ալեք Ենիգոմշյան

Միջոցառումը նվիրված է Նոր որակի հայկական պետության ձևավորման և զարգացման Ռազմավարական հայեցակարգի նախագծի հանրային ներկայացման և քննարկումների շարքի հերթական Համազգային հարցերի ոլորտին։

Ռազմավարական հայեցակարգի մասին 

Նոր որակի հայկական պետության ձևավորման և զարգացման ռազմավարական հայեցակարգը  համազգային և պետական քաղաքական-ծրագրային փաստաթուղթ է, որում համակարգված ձևով ներկայացվում են ներպետական, համազգային և միջազգային մակարդակներում անհատի, ընտանիքի, համայնքի, հասարակության, պետության և համայն հայության հոգևոր-մշակութային առողջացման ու սոցիալ-տնտեսական բարգավաճման, նրանց կարողությունների բացահայտման, համախմբման, գործադրման ու կայուն զարգացման, ինչպես նաև հայության անօտարելի իրավունքների վերատիրացման պետական և համազգային քաղաքականության ընդհանուր հիմնադրույթները:

Բանախոսի մասին

Ալեք Ենիգոմշյանը Մագիստրոսական թեզը պաշտպանել է Բեյրութի Ամերիկյան Համալսարանում:  Իր մոտեցումներում առավելապես կարևորում է համաշխարհային, տարածաշրջանային և ազգային համակարգերի ձևավորման, գործունեության և զարգացման միտումների, ինչպես նաև դրանց սոցիալ-տնտեսական, սոցիալ-քաղաքական և այլ ենթահամակարգերի սերտ փոխկապակցվածության և խորքային միասնության խնդիրները: Եղել է ազգային-ազատագրական զինված պայքարի ակտիվ մասնակից, ԱՍԱԼԱ-ի գաղափարական թևի պատասխանատ­­ու: Ներկայումս` Սարդարապատ շարժման նախաձեռնող խմբի և Նախախորհրդարան ազգային-քաղաքական նախաձեռնության քարտուղարության անդամ է:  

Օրը՝        18-ը մարտի, երեքշաբթի,  2014

Ժամը՝    13:00-16:00

Վայրը՝   Նախախորհրդարանի գրասենյակ, Ալեք Մանուկյան 5/5

Լեզուն՝   Հայերեն

Գրանցման կարգը՝ Միջոցառմանը մասնակցելու համար անհրաժեշտ է գրացվել մինչև ս․թ․ մարտի 17-ը, ժ 18:00-ը՝ նամակ հղելով [email protected]  էլ․ հասցեով կամ զանգահարելով +37493 803 221:

Միջոցառումը հեռարձակվելու է օնլայն հետևյալ հղումով՝ http://www.ustream.tv/channel/nakhakhorhrdaran 

ՕՐԱԿԱՐԳ

18 մարտի  2014

13:00-13:05        Մասնակիցների գրանցում

13:05-13:10        Ողջույնի խոսք

                           Հասմիկ Էվոյան, Նախախորհրդարանի անդամ

13:10-14:10  Նոր որակի հայկական պետության ձևավորման և զարգացման ռազմավարական    հայեցակարգի նախագծի Համազգային հարցերի Պահանջատիրություն և Հայաստան-սփյուռք ենթաոլորտները

                           Ալեք Ենիգոմշյան, Նախախորհրդարանի քարտուղարության անդամ

14:10 -14:25        Ընդմիջում

14:25-15:50         Հարցեր և պատասխաններ

15:50-16:00         Ամփոփում և փակում

Պահանջատիրական ոլորտ